Sutorniartarfiit
Perlileruit Hotel Kangerlussuaq neriniarfigissallugu periarfissarissaarpoq.
Malunnik mamartunik sassaalliisartunik sutorniartarfiuteqarnerput tulluusimaarutigaarput. Akunnittarfimmi najugaqaruit sutorniartarfik, cafeteria imaluunniit bari orneriaannaavat, avataaniillu tikikkuit uagutsinut aamma tikilluaqquneqassaatit.
Hotel kangerlussuarmi pikkoriffigisarput tassa mamartunik nerisassiorneq. Kalaallit Nunaanni igasut pikkorinnerit ilaat igaffitsinni nerisassiortuummata iluatsitsisimasutut misiginarpoq, taakkualu kalaallit nerisassaataannik peqqissaarlutik nerisassat suliarinissaattut nerisassiarisarpaat.
Hotel Kangerlussuup sutornartarfiani kinguleriinnik arlariinnik nerisassarsisinnaavutit suliarilluakkanik, cafeteriamilu nalinginnaanerusunik mamartunilu tuaviinnaq nerisassarsisinnaallutit. Imerusuummeruit kaffiguummeruilluunniit saaffiginnittarfiup eqqaani Grønne Bar pulaarsinnaavat.
Nerisassiarilluakkanik sutorniartarfipput alianaattumik neriffigiartoruk
Sutorniartarfipput ”Restaurant Muskox” neriffigalugu immikkuullarissumik misigisaqarfissaavoq. Kalaallit Nunaanni igsut pikkorinnerit ilaasa sutorniartarfitsinni aliannaarsarluakkami nerisassassinnik mamartunik sassaalliissutigisinnaasaasa allattorsimaffii alakkarigit.
Neriartortut mmartunik sassaalliiffigerusullutigit nerisassiassat nutaajuniassammata, ukiup qanoq ilinera apeqqutaatillugu assigiinngitsunik nerisassiortarpugut. Sassaalliutigisinnaasatta allattorsimaffianni takusinnaavat, nerisassiat assigiinngitsut neqeroorutigisagut killeqartut. Mamarnerpaanik sassaalliiniassagatta, nerisassiat pitsaasuutinnissaat tamatumunnga pissutaavoq.
Cafeteriami nalinginnarnik tuaviinnaq nerisassarsigit
Nalinginnaanerusunik piareeriaannarnik nererusuppit imaluunniit sutorniartarfimmi kinguleriinnik pingasunik suliarilluakkanik nererusunneruit? Cafeteriami igasut pikkorissut naqqaniit mamartunik peqqinnartunillu nerisassiaat toqqarsinnaavatit.
Umimmammik tuttumilluunniit burgeriliaq pupilerlugu miseralerlugulu mamassangtippiuk? Taava taanna cafeteriamik akisunngitsumik pisiarisinnaavat. Assigiinngitsunik mamassusillit, assigiinngitsunik akillit, assigiinngitsunik persuartiuteqarnermut tulluartut, Hotel Kangerlussuarmi periarfissaapput.
Grønne Bar alakkaruk
Hotel Kangerlussuaq iserukku saaffiginnittarfiup eqqaaniippoq Grønne Bar. Tassani cafe lattemik kialaatumik mamartumik ualikkorsiuteqarsinnaavutit imaluunniit unnunnerani akuukkamik mamartumik imeruersaasersinnaallutit.
Bari silaannarilluni alianaarsarnikuummat sivisunerulaamik tassaneerusussinnaavutit. Ikinngutit, aapppat suleqatilluunniit ilagigukku, sinilluaqqutinnasi gin & tonic nalinginnaq imaluunniit cognac mamaqarluartoq naggataarutigisinnaavarsi. Barimi alianaarsaartinniarlusi akuukkanik assigiinngitsorpassuarnik, minnerunngitsumillu mamarineqarluartoq kalaallit kaffiat neqeroorutigisinnaavagut.
Sutorniartarfitsinni nerinissannut inniminniigit
Sutorniartarfitsinni nuannarineqartumi ornigarneqarluatumilu nerinissannut inniminneerusuppit? Taava uani imaluunniit sutorniartarfimmut mailerlutit inniminniisinnaavutit. Sutorniartarfimmi sulisut pissarsiarisinnaavatit uunga allallutit restaurant@mit.gl. Saaffiginnittarfimmut aamma sianersinnaavutit normu (+299) 84 11 80 atorllugu sutorniartarfimmullu nuutsilllutit.
Hotel Kangerlussuarmut tikilluaqqullutit sutorniartarfitsinni cafeteriamiluunniit mamartunik sassaalliiffiginissannut qilanaarpugut.
