Kangerlussuup eqqaa tuttunik umimmannillu ulikkaarpoq, iluatsitsisinnaagaannilu taakku uumasut marluk takuneqarsinnaallutik pinngortitami angalaarnermi. Ukaleqarpoq, teriannissat, timmissallu assigiinngitsut amerlasuut, taamaattumik alaatsinaannissaq pisariaqarpoq qinngutinillu aamma nassartoqarsinnaavoq.
Kangerlummi aalisakkanik ulikkaarpoq, eqaluillu aasaanerani kuukkut qummut suffiartortarput. Nunat ilaat eqqissisimatitaapput, siunissamilu nungukkiartortoqannginissaa pillugu ersarissunik inatsiseqarpoq. Taamaattumik piniarnermik aalisarnermillu nuannarisallik illoqarfimmi takornariaqarnermik ingerlatsisut periarfissat pillugit tusarniaaffigeqqaartariaqarpaat.
Uumasoqarluarneranut pissutaavoq nunataa tamaat naggorinnera. Ivikkat assigiinngitsut, ujaqqap qalipaa, orpikkat aammalu naasut ajornarunnaarsippaat uummasoqarfiulluarsinnaanera, maani qaasuitsup kujatinnguani. Maani aamma Kalaallit nunaata orkide-vi assigiinngitsut nassaassaapput, amerasuunut uissuumminarisinnaavaat.
