Kalaallit nunaanni amerlanngillat sermersuarmut qaqiffissaasinnaasut. Timmisartoqarfimmiilli biilertoqarsinnaavoq Piffik 660-mik atilimmut (Point 660). Atia tunngaveqarpoq immap nalaaniit 660 meterinik portussuseqarmat. Aqqusineq sananeqarmat sermersuup killingata tungaanoorpoq, klimali allanngornera peqqutaalluni sermimik aattoornipilorujussuup siku tunuartingaatsiarsimallugu. Siornatigut sermiup killiffia, ullumi nunaminertamik, marrak aammalu sioraaqqanik ulikkaarpoq, sermersuup nassataanik taajorneqartumik, tamannalu qaangeqqaagassaavoq sermersualiarniaraanni.
Misigisaq immikkuullarittuuvoq sermersuaq tutillugu, eqqarsaatigissagaanni 2000 kilometerinik takissuseqarmat kujataanit avannaanut aammalu 400 kilometerit sinnerlugu nerututigaluni kitaanit kangianut. Portunerpaaffia qeqqata nalaaniittoq 3 kilometerinik immap killinganiit portussuseqarpoq. Tassalu Point 660-miit 2,5 kilometerinik portunerusumik. Illoqarfimmi takornarialerisut ullut tamaasa tassungaassisarput.
