Aqqusiukkanik pisuttuarfissanik uumasullu aqqutaanik ulikaarpoq. Ilisimaneqarnerpaaq tassaavoq 165 kilometerinik takissusilik »Arctic Circle Trail« Kangerlussuarmiit illoqarfik sinerissamiittoq Sisimiut tungaanukartoq.
Nammineq sermersuarmut pisuttuarniaraanni aqqutaa 35 kilometerinik takissuseqarpoq aqqut ataaseq. Taamaattumik innersuussaavoq ullut siulliit atorneqassammata naatsunik pisuttuallattaanernut, nunap ilusaanut sungiusarluni.
Pisuttuarneq aallartissutissatsialak tassaavoq Black Ridge aammalu Tacan tungaanut, qinnguteqarfik sermersuup tungaanut takutitsisinnaasoq. Tassanngaanniillu aamma isikkivigaa Kangerlussuaq tamaat, ataatsimut qimerloorfigineqarsinnaasoq.
Akunnittarfiup tunuani qaqqaqarpoq atilik Iggaviup qaqqaa (Køkkenfjeldet), ajornanngitsumik qaqineqarsinnaasoq. Atia inissiatoqqaninngaanneerpoq, tassami tamarmik iggavii qaqqamut sammimmata. Qaqigaanni, akissarsiassaavoq illuttut isikkivigissua.
Akunnittarfimmiit pisuttuarnerit nuannersut allat aamma taaneqartariaqartut tassaapput Sugar Loaf aammalu tunuaniittoq qorlortoq, Russel Gletsjeren, Store aamma Lille Saltø, Granatfjeldet aammalu Fossilsletten.
Misigisassat allat taaneqarsinnaasut tassaapput timmisartut nakkarfiginikuusaat, inuit qanga najugaqarfikuat, sioqqallu teqqartut narsaamaniliaat aammalu Lake Ferguson.
